ایک نجی نیوز چینل کی خبر کے مطابق، پاکستان ٹیم کے سابق ڈائریکٹر مکی آرتھر بھی پاکستان کرکٹ بورڈ (پی سی بی) سے علیحدگی کے بارے میں سوچ رہے ہیں۔

ذرائع کے مطابق آرتھر پی سی بی سے مشاورت کے بعد جلد اپنے فیصلے کا اعلان کریں گے۔

وہ بھارت میں ہونے والے گزشتہ ورلڈ کپ کے دوران پاکستان کے ٹیم ڈائریکٹر کے طور پر کام کر چکے ہیں۔ تاہم ٹیم کی مایوس کن کارکردگی کے بعد پی سی بی مینجمنٹ کمیٹی نے غیر ملکی کوچز کو ان کی ذمہ داریوں سے فارغ کردیا۔

ان کی برطرفی کے بعد ان غیر ملکی کوچز کو نیشنل کرکٹ اکیڈمی (این سی اے) رپورٹ کرنے کی ہدایت کی گئی تھی۔ اس کے بعد بولنگ کوچ مورنے مورکل نے ورلڈ کپ کے بعد اپنے عہدے سے استعفیٰ دے دیا۔